Innovasjonsrådgivar – 100 % fast stilling Interkommunalt politisk råd Nord-Gudbrandsdal (IPR)
Vis alle stillingsdetaljer
Om stillingen
Interkommunalt politisk råd Nord-Gudbrandsdal (IPR) gjennomførte i perioden 2019–2023 ei prosjektbasert satsing for å styrkje innovasjons- og utviklingsarbeidet i dei seks kommunane i regionen. Satsinga har gitt gode resultat og er no vidareført gjennom ei fast stilling som innovasjonsrådgivar i IPR.
Parallelt med innovasjonssatsinga er det etablert ei felles ramme for det avtalebaserte interkommunale samarbeidet i regionen – INSAM. INSAM er forankra i viljeserklæring og handbok for interkommunalt samarbeid i Nord-Gudbrandsdal, og skal bidra til meir strukturert, føreseieleg og målretta oppfølging av dei interkommunale samarbeida.
Vi lyser no ut ei 100 % fast stilling som innovasjonsrådgivar, med ansvar for vidareutvikling av innovasjonsarbeidet og tilrettelegging for INSAM.
Vi søkjer deg som
- arbeider sjølvstendig og strukturert
- tek initiativ og er utviklingsorientert
- skaper engasjement og gode rammer for samarbeid med kollegaer og eksterne partnarar
- har erfaring med bygging og vedlikehald av faglege nettverk
- kan dokumentere god resultatoppnåing
Om stillinga
- Du rapporterer direkte til dagleg leiar
- Du arbeider i tett samspel med kommunedirektørane og sektorleiarane i kommunane
- Stillinga inneber brei kontakt med fylkeskommunale og statlege miljø, verkemiddelapparatet og akademia
- Arbeidsoppgåvene har stor politisk merksemd, både regionalt og nasjonalt
Arbeidsoppgåver
- Hovudansvar for innovasjons- og utviklingsarbeidet forankra i IPR sin 4-årige strategiplan og årlege handlingsplanar
- Leggje til rette for årshjul og systematisk oppfølging av viljeserklæring og handbok for interkommunalt samarbeid (INSAM), i tett samarbeid med kommunedirektørane
- Akkvisisjon av eksterne midlar til innovasjons- og utviklingsarbeid
- Saksutgreiing og sakshandsaming i samarbeid med dagleg leiar
- Initiere, leie og følgje opp prosessar og prosjekt på regionalt nivå
- Andre relevante oppgåver og prosjekt etter oppdrag frå dagleg leiar.
Kvalifikasjonar
- Utdanning på bachelor- eller masternivå
- Særleg relevant praksis kan kompensere for formell utdanning
- God prosess- og prosjektkompetanse
- Uttalt serviceinnstilling
- Gode digitale ferdigheiter, inkludert erfaring med sosiale medium
- God skriftleg og munnleg framstillingsevne
- God kjennskap til offentleg sektor og eit breitt samfunnsengasjement
- Erfaring med sakshandsaming
- Personleg eignaheit vil bli tillagt stor vekt
Vi tilbyr
- Ei fleksibel og meiningsfull stilling med kjerneoppgåver for kommunesektoren
- Eit sterkt fagleg og regionalt utviklingsmiljø
- Løn etter avtale
- Kommunale tilsettingsvilkår med gode pensjons- og forsikringsordningar